男女PK大作戰(激笑版) 三度公演 Love Battles (3rd Run)

Posted by on Jun 14, 2017 in 劇院演出 |

演出資料劇照/宣傳照宣傳片/報導劇評/觀後感言

首演爆滿、笑震全場,激笑版小心笑到失禁!

首演場場爆滿、好評如潮:
鄧萃雯 (著名演員)
有戀愛經驗的都會喜歡,好笑、寫實有心有內涵之作!
蘇蘇 (專欄作者)
劇情抵死搞笑,拍案叫絕,現場瘋狂爆笑,笑聲掌聲不絕!
張文慈 (著名演員)
由頭笑到尾!而且非常適合拍拖或夫婦去看,直情袋錢入你袋!
Angela (觀眾)
嬲了丈夫15年,劇中有很多提醒,回家原諒了他

演出資料

2017年10月19-21日 (四至六) 8pm
2017年10月21-22日 (六至日) 3pm
演出地點:上環文娛中心 劇院

2017年10月21-22 3pm 及 10月21 8pm 演出後 設演後座談會

製作人員

編劇/導演/音響設計:歐錦棠
監製/形象及服裝設計:萬斯敏
舞台設計:王梓駿
燈光設計:黃靜文
舞台監督:歐慧瑜
執行舞台監督:馮佩霞
助理舞台監督:曾念慈、李茵茵
製作助理:黃聖深
行政助理:林倩如
平面設計:Jacky So
宣傳統籌:PS Production
宣傳及現場攝影:Ben@Harmony Photography
現場錄影:Man@One Potato Limited

演員表
歐錦棠 飾 阿修
萬斯敏 飾 心理輔導員、咸球、亞當、阿嬌、男、女

聲音演出
鄭至芝 聲演 球妻
施瑋延 聲演 經紀陳

劇情簡介

男女大不同,夫婦前世冤,永遠的話題。
阿修與阿嬌準備分居前終極大攤牌,因而引發一連串兩性差異抵死惹笑趣事,是他倆也是你和我。
兩個演員盡施渾身解數,以快速特技轉妝分飾劇中所有人物,男女心理細緻解構,絕不偏頗,「再見別離時中的死佬日記」完美變奏版,務求令觀眾捧腹大笑之餘又得到啟示。

場刊下載

宣傳短片

創世電視廣告

創世快訊 2017-09-07   歐錦棠、萬斯敏專訪 《男女PK大作戰》

 

蘋果即時 2017-09-18 【頭頭碰着黑】左腳拗柴 歐錦棠左手甩骹:打咗石膏要幾星期先好番

歐錦棠噚日為音樂劇《馬丁路德》作最後兩場演出,佢喺下午場時就唔小心跌斷左手,完騷先去醫院睇醫生(新聞連結:http://bit.ly/2xeGS9q),本來醫生勸喻佢要休息,但阿棠敬業樂業,堅持the show must go on,頂硬上簽紙出院,繼續返去舞台,忍痛做埋晚上演出。

阿棠今朝立即去咗睇骨科,下月仲會同老婆萬斯敏喺上環文娛中心三度公演《男女PK大作戰(激笑版)》,阿棠唔想影響演出。

阿棠凌晨喺facebook留言多謝醫護人員,《蘋果》今日打畀阿棠,佢話啱啱睇咗骨科,問到佢噚日受傷經過,佢話:「真係意外,我呢次演出,有一part單人跳現代舞,其實之前綵排都覺得舞台好『啜』腳,我先係左腳拗柴,跟住我再跳時比較留神左腳,重心就放咗喺右度,有個動作要跳起,我落地時左手輕傍住,『啪』咗一聲,左手都拗咗後面,甩咗骹。」劇組送佢去急症室,本來醫生叫阿棠要留院一晚,翌日安排骨科駁骨,但因為唔想影響演出,阿棠堅持自行簽紙出院,結果佢駁番骨出院,繼續返去演埋夜場。

Read more

阿棠話:「駁番骨,我包住手,着埋戲服,我略為修改動作,好多人可能覺得我咁係好戇居、好傻,但我係唔會諗呢啲。」噚晚喺醫院,醫生話阿棠左手有碎骨,但今日佢再去睇骨科覆診,醫生就話佢噚晚駁得好好,冇碎骨,o依家打咗石膏,仲換咗個纖維托,阿棠話:「大約要幾星期先可以好番,好番仲要做物理治療。」連埋左腳拗柴,噚晚傷左手,阿棠自嘲:「呢次真係『阻手阻腳』,o依家家連褲都着唔到,要老婆幫我,辛苦佢照顧我。」阿棠又話左腳傷好咗八成,希望早日康服,再投入新戲綵排。

明報 2017-09-19 歐錦棠演音樂劇跌斷手

【明報專訊】歐錦棠前日演出音樂劇《馬丁路德》日場時出意外,跳現代舞時左手突然啪一聲甩骱。他被送往急症室,醫生要他留院一晚駁骨,但他包紮後自行簽紙出院,因為仍有尾場要演出。前晚歐錦棠帶傷完成演出,昨日睇骨科醫生,幸好沒碎骨,不用動手術,但要打石膏。早前他為此劇綵排已扭傷腳,今次再傷左手,他笑言「阻手阻腳」連著衫也要老婆幫忙。他將於10月再演出舞台劇《男女PK大作戰》,醫生要他休息,但他已開始綵排了。

 

東方日報 2017-09-19 歐錦棠跌甩骹托正即復工

藝人歐錦棠前日為音樂劇演出時發生意外,致左手甩骹,敬業的他仍堅持演出,往醫院求診,醫生為他托回手骹,阿棠忍痛再返現場完成尾場演出,同劇的張崇德亦讚揚阿棠,專業地全面顧及音樂劇的運作。

近日為音樂劇《馬丁路德》演出的歐錦棠,前日演出日場時發生意外,導致左手甩骹,阿棠忍痛完成表演才去醫院,經醫生診斷後托回手骹,阿棠卻不聽醫生吩咐留院一晚,自行簽字出院,再折返演出現場,完成晚上的尾場,其專業及敬業的精神令人敬佩。

在醫院求診期間,阿棠將受傷照上載社交網,並答謝醫護人員,更留言:「今天下午場再出意外,失足跌斷手(甩骹),在地上眼看自己的前臂已扭向外邊,且不能動彈……

Read more

趕到醫院的斯敏(太太)便很堅定的向製作人員講:話畀監製聽,阿棠今晚係一定會返去演出嘅!當下心裏有很大的欣慰!有這麼一個了解我又同樣尊重熱愛表演藝術的知己老婆!」

自嘲「阻手阻腳」

事後阿棠受訪稱今次受傷純屬意外:「我要唱歌跳舞,其實之前綵排都覺得舞台好『啜』腳,我先係左腳拗柴,跟住再跳時比較留神左腳,重心就放咗喺右,有個動作要跳起,我落地時左手輕傍住,『啪』咗一聲,左手都拗咗去後面,甩咗骹。」阿棠昨日再去覆診睇骨科:「大約要幾星期先可以好番,好番仲要做物理治療。」之前同樣為此劇意外令左腳拗柴,今次傷埋左手,阿棠自嘲「阻手阻腳」!他透露腳傷已康復八成,昨晚更為另一舞台劇《男女PK大作戰》綵排,阿棠笑言:「我食咗消炎藥都冇咁痛,老婆好明白我嘅熱誠,佢仲喺我入院暈暈哋時,影咗我一張相,畀我作紀錄,佢咁支持我都好開心,痛都冇所謂!(之後可以休息?)唔使喎,我之後都要為《男女》開始綵排!」

張崇德唔知咁大鑊

同劇的張崇德很擔心阿棠的傷勢,又讚揚其專業:「當時我同阿棠合唱,突然間就聽到一下啪一聲,因為我仍要繼續做戲,後來先知咁大件事,因為佢喺我間房門口等十字車,我當然擔心,但佢仲同我講,崇德唔好擔心,搞到你唔好意思,唔好影響你做戲。佢除咗係好專業嘅演員外,仲顧及整個劇,佢仲諗場戲冇咗佢點算!」

文:影視組

蘋果日報 2017-09-19【做契媽】好姊妹賴慰玲年尾生得 陳凱琳幫手改英文名

歐錦棠同陳凱琳今日喺銅鑼灣出席航空公司HK Express活動,該公司將一班客機命名為「小龍」,藉此向李小龍致敬。

歐錦棠係李小龍嘅超級Fans,雖然前日為音樂劇《馬丁路德》客串演出時,不慎跌斷左手,但佢仍現身支持,包住左手嘅阿棠,即場示範單手耍雙節棍,見佢耍得揮灑自如,之後仲教陳凱琳擺李小龍甫士。問佢耍雙節棍有冇整親?佢話:「唔會,雙節棍係我身體嘅一部份,我9歲已經開始玩,當時用地拖棍自製,整爛屋企好多燈,又打到自己起咗好多個瘤。」

歐錦棠講到隻左手嘅情況:「前日出事,噚日睇咗骨科,照咗冇碎骨,唔使做手術,醫生幫我換咗玻璃纖維托,輕身啲,3個星期後可以拆,之後再做物理治療。」對下個月公演嘅《男女PK大作戰(激笑版)》有冇影響?阿棠表示噚日已經開始綵排,好彩唔多動作,不過原本要做一個打筋斗動作,o依家要cut,噚日同聽日本身都要拍廣告,o依家要押後。

喺生活上,阿棠笑指自己好似住緊安老院,佢笑住話:「沖涼要靠老婆,我鍾意着窄腳褲,又係靠老婆,每日佢幫兩隻貓清潔完之後,跟住幫我抹,今次教訓我平時要對老婆好,男人污糟邋遢唔緊要!但唔可以唔着褲出街。」

 

 

 

蘋果日報 2017-09-19 歐錦棠斷手打石膏 老婆幫着褲

歐錦棠前日為音樂劇《馬丁路德》作最後兩場演出,可是日場時不慎跌斷左手,完騷後即往急症室求診,醫生勸喻他要停工休息,但敬業樂業的阿棠堅持不肯甩場,他頂硬上自行簽紙出院,忍痛完成夜場表演。

Read more

阿棠首日演出時左腳拗柴,尾場就跌斷左手,他昨凌晨在facebook貼送院求診相後留言:「在地上眼看自己的前臂已扭向外邊,且不能動彈,便知道左手玩完。」劇組都擔心夜場安排,知夫莫若妻的萬斯敏代答他會如期上陣。

堅持出院

阿棠昨早再往看骨科,他昨在電話中說:「我呢次演出有一part單人跳現代舞,綵排都覺舞台『啜』腳,我先左腳拗柴,我傷後再跳比較留神,重心放喺右腳度,有個動作跳起,我落地時左手輕傍住,『啪』咗一聲,左手拗咗後面甩咗骹。」醫生有勸喻阿棠留院,翌日安排骨科駁骨,但阿棠堅持先駁骨出院,撐着演出尾場:「駁番骨,我包住左手,着埋戲服,略為修改動作演出。」

日內綵排

醫生昨檢查後指阿棠左手未有碎骨,但需打石膏加纖維托固定,阿棠說:「大約要幾星期先好番,再做物理治療。𠵱家連褲都着唔到,要老婆幫我。」阿棠下月跟老婆萬斯敏於上環文娛中心三度公演《男女PK大作戰(激笑版)》,日內就要投入綵排。

此外,阿棠受傷時,正與張崇德同台演出,崇德昨回應:「當時我同棠哥合唱,佢會喺我身邊跳舞同有形體動作,突然啪一聲。」阿棠後台等候十字車時,仍不忘安慰崇德不要擔心。

採訪:楊定

蘋果日報 2017-09-20 斷手影響綵排 打觔斗煞停 歐錦棠負傷耍棍 教陳凱琳擺甫

歐錦棠大前日為音樂劇《馬丁路德》客串演出時,不慎跌斷左手;但身為李小龍忠實粉絲的他,昨日仍負傷與陳凱琳出席航空公司HK Express的「小龍」客機命名活動,向偶像李小龍致敬。

Read more

包住左手的阿棠,即場示範單手耍雙節棍,以單手耍棍的他仍揮灑自如,之後他還教陳凱琳擺李小龍甫士。問阿棠耍雙節棍可有整親?他說:「唔會,雙節棍係我身體嘅一部份,我9歲已經開始玩,當時用地拖棍自製,整爛屋企好多燈,又打到自己起咗好多瘤。」

自嘲住老人院

談到傷勢,阿棠說:「前日出事,噚日睇咗骨科,照咗冇碎骨,唔使做手術,醫生幫我換咗玻璃纖維托,輕身啲,3個星期後可以拆,之後再做物理治療。」問阿棠下月公演的舞台劇《男女PK大作戰(激笑版)》可有受影響時,他表示前日已開始綵排,幸好動作不多,但原本要做的打觔斗動作則要取消,近日的一個廣告工作亦要押後。 阿棠又笑指自己似住安老院說:「沖涼要靠老婆,我鍾意着窄腳褲,又係靠老婆,每日佢幫兩隻貓清潔完之後,跟住幫我抹,今次教訓我平時要對老婆好,男人污糟邋遢唔緊要,但唔可以唔着褲出街!」

賴慰玲年尾生得

此外,同場的陳凱琳被問到前晚與男友鄭嘉穎跟賴慰玲等好友食飯,她說:「噚晚一齊煮咗泰式晚餐,慶祝吓,佢(賴慰玲)年尾生得。」她指男友並非首次出席自己朋友飯敍,嘉穎跟自己朋友也相當熟絡。

採訪:黃曉妍 攝影:陳慧安

觀眾觀後感

Facebook: Hui Shun Yan 2017-10-22

「八個月的日子讓我知道我還有很多要學,所以今晚去上了充實的一課,多謝 歐錦棠 Stephen Au和 萬斯敏 Phyllis Man,歡笑中仍然有深思的空間。💡
總括而言,男人要有空間要信任要結果要讚,女人要有驚喜要聆聽要過程要穩陣。😂」

 

 

 

Facebook: Apple Chiu 2017-10-19

「好笑之餘亦對兩性之間互有不足但有火花嘅相處。」

 

 

 

.
Facebook: Jackie Mu 2017-10-22
「精彩! 笑足兩小時呀😝😝」

 

 

 

 

Facebook: Halisa Kwok 2017-10-20
「男人與女人,有永遠數不完的矛盾、衝突!舞臺劇<男女PK大作戰>道盡男人、女人之間的笑料!好笑!好真!」

 

 

 

 

Facebook: 蘇蘇 2017-10-22
「香港劇道場一票難求的《男女PK大作戰》激笑版真是由開場笑到收場,內容超爆笑外,還有很多位都讓人會心微笑,棠哥和斯敏就是要觀眾在笑聲中道出男女大不同,Good Show!😄」

 

 

 

Instagram: Gospel Miaomiao 2017-10-20
「呢齣舞台劇寫得好好,道盡男女大不同,當中竟有提聖經中的亞當和夏娃,歐錦棠的演技簡直係神級😂😂😂😂加埋萬斯敏105分鐘全無冷場笑唔停,真係happy Friday💖🌈」

 

觀後問卷調查

Una: 透過生動的演出讓人反思男女大不同,挺有啟發性。再者,演員的表情、肢體語言、聲調語句均能帶人走進舞台劇裡,讓人投入。劇情有趣,不會沉悶。

Amy Chan: 好笑但也有深度

司徒智銘: 貼地,切合生活,笑中有淚

曾建新: 用心準備、演出細緻、具啟發性,對兩性關係觀察入微,有意思。

Kwan: 連續兩小時落力演出,而可以帶動氣氛,兩位演員功不可沒